Tagi

,

Muj Opa bez wojna mioł nojpiyrw polski mundur, potym ruski, potym niymiecki, zaś ruski, a na koniec zaś polski.

Ale jak sie u niymca w wermachcie znod.

To było tak, że w czidziestym dziewiontym kaś go na fschodzie ruse chyciyli – Opa kierowoł autym. No i te ruse kcieli mu auto zebrać, a opy zaszczelić. Ale niy umieli auta łotpolić, bo tam cza było knifu, a ino opa go znoł. To ruse go fcielyli do ichniego woja. W śtyrdziestym piyrszym hitler sie pozar ze stalinym, a Opa łostoł sie w niymieckij niywoli. Zaś tym razym go kcioł esesman zaszczelić, ale Opa do niego po niymiecku coś zacon prawić. SSman sie pyto, skont zno niymiecki, na co opa pado, że do szkoły niymieckił łaziył. To go esesmany pszerobiyli na niymca f papiorach. I robiył se tyn muj opa jako kierownik w Blachowni w Kyndzierzynie Koźlu. Dugo tam niy porobiył, bo hitler mioł braki na froncie fschodnim i brali na front kogo popadnie.

Ale trocha tam coś porobiył, bo sie na kupie rzecy znoł. No i tera śmiysne jes, że jo zawodowo do tych zakładuf chymicznych w tyj Blachowni jezdza. Jesce śmiyśnij, że tam dalij som zabudowania rużne militarne – wieżycki szczelnicze, bunkry i takie tam. Może kiejś fciepna jakieś foto.