Tagi

, ,

No ja, miołech. I co? I ciul.

Łoglondołech se wpisy na tym blogu i tak mie tkło, że nic niy ma na tymat rzondu Prawie Sprawiedliwości.

W sumie jako ta partia jes, to je tera mnij ważne, bo spszedowajom kiełbasa wyborczo jak kożdy z tych cyganów ze sejmu.

Ale smutno mi trocha jes skuli ludzi, co na nich głosujom. Niy, że ftoś tam mo takie, a niy inne poglondy i sympatie politycne. Som my w wolnym kraju i kożdy może mieć jakie kce. Smutne jes, jak sie ludziska jarajom tymi fszyjskimi piyńcet plusami. No bo tera żont im coś doł. Ino już żodyn z tych klakieruf niy zapyto, skont żont mo te pijondze. Żodyn niy zapyto, jaki to intratny biznes prowadzi Prawo i Sprawiedliwość rze tak szasto pijyndzmi.

A jo wom ino kca pszipomnieć, że łoni majom ino jedyn biznes: łoskubywanie podatnikuf. Ja, tych samych, ftorym puźnij dowajom pińcet plus (niy fszyjskim dowajom, ale skubiom fszyjskich). Ino, żeby komuś dać pińcet, to s podatnikuf cza zedrzić szejset, abo siedymset, bo jesce po drodze jes wypłata tego urzyndnika, ftory te pijondze dowo tymu, a niy innymu. A urzyndnik pszeca za frajer niy bydzie zapierdalał. No i na pewno malutko czynść skapnie tys tym na samym wiyrchu, pszi korycie, bo po to tam pszeca som, żeby se kabze nabić.

I jesce jedna rzec. Kupa ludzi narzyko na rosnonce cyny w śklepach. Ale co sie dziwić, jak naros na rynek łostało fpompowane w chuj pijyndzy, producynci poculi, że ludziska majom forsa, to dawaj z wyższymi cynami za byle co. I f taki łoto sposup pińcet plus chuja komukolwiek pomogło (poza sklepikorzoma, urzyndnikami i politykami). Tak działo prawo popytu i podaży, ale to jus chyba jest za mondro wiedza do pińcetplusowego wyborcy.

może mie tys kiedyś zbiere, żeby spierdolić do rajchu, pszefarbować sie na niymca, fszyjskie „sz” we moim imiyniu i nazwisku se zamiynia na „sch”, a „cz” na „tsch” i chuj, byda udowoł, że niy znom tego pojebanego kraju, we ftorym prawo = niysprawiedliwość.